How to give fertilizer to the summer farming crops?

પાક ઉત્પાદન વધારવા જે જુદા જુદા પરિબળો છે તેમા પ્રથમ સ્થાન પાકને જરુરી સુક્ષ્મ તત્વો છે. ઉનાળુ ઋતુમા લેવામા આવતા પાકોમા ભલામણ મુજબ પાયા નું ખાતર આપ્યા બાદ પાકના ઉગવા પછી ઉભા પાકમા આપવામા આવતા પૂરક ખાતરને પૂર્તિ ખાતર કહેવામાં આવે છે. પાક વિકાસ માટે જરૂરી 16 તત્વો પૈકી નાઇટ્રોજન, ફોસ્ફરસ અને પોટાશ તથા સૂક્ષ્મ તત્વો જેવા કે લોહ, જસત, બોરોન વગેરે ખાતરો આપવાની ભલામણ કરવામાં આવે છે.

ઉનાળુ ઋતુમાં ખાસ કરીને બાજરી, મગફળી, તલ, મગ, અડદ, ચોળી જેવા પાકોનું વાવેતર કરવામા આવે છે. મગફળી તથા કઠોળ પાકોમા તેના મૂળમાં રહેલ મૂળ ગંડીકાઓ હવામાંથી નાઇટ્રોજન શોષી પાકને પૂરો પાડે છે. ઉનાળુ બાજરી તથા ઉનાળુ તલના પાકોમા ખાતર આપવું ખાસ જરૂરી છે. ઉનાળામા વાતાવરણ સુકુ અને પરિસ્થિતિ નિયંત્રણ હેઠળ હોવાથી રોગ અને જીવાતનો ઉપદ્રવ ઓછો જોવા મળે છે અને પાકના યોગ્ય વિકાસ માટે અવકાશ રહેતો હોવાથી ખાતર નો કાર્યક્ષમ ઉપયોગ થઇ શકે છે.

ઉનાળુ બાજરીની રોપણી કર્યા બાદ 21 દિવસે એટલે કે ફૂટ અવસ્થાએ પ્રતિ હેક્ટર 40 કિલો યુરિયા અને 15 કિલો બેકબોન સોઇલ એપ્લિકેશન પાકને પિયત આપી વરાપ થયે સાંજના સમયે આપવું જોઈએ.

ઉનાળુ તલના પાકમાં વધારાના છોડની પારવણી તથા નિંદામણ કરી પાક એક મહિનાનો થાય ત્યારે હેક્ટરે 15 કિલો યુરિયા અને 10 કિલો બેકબોન સોઇલ એપ્લિકેશન પૂરતી ખાતર તરીકે આપવુ.

તલ તેમજ કઠોળના પાકમા ફૂલ બેસવાની અવસ્થાએ સ્પ્રીકસો નો 15 મિલી પ્રતિ પંપ લેખે છંટકાવ કરવાથી ફૂલ બેસવાની સંખ્યા વધે છે તેમજ ફૂલ ખરતા ઘટે છે અને પ્રતિકૂળ અવસ્થામા પાકને ટકવામાં મદદરુપ થાય છે જેથી સારુ પાક ઉત્પાદન મેળવી શકાય છે.

ઉભા પાકમા ઉણપ જણાય ત્યારે ખાતર જમીનમાં આપવાને બદલે છોડ પર તેનો છંટકાવ કરવાથી તુરત જ ફાયદો થાય છે. પાક સૂક્ષ્મ તત્વોની ઉણપ જણાવે ત્યારે જે તે તત્વના ક્ષારોનું દ્રાવણ પાંદડા પર છાંટવાથી ફાયદો થાય છે દા.ત. મગફળીના પાકમાં લોહ તત્વની ઉણપ હોય તો બેકબોન ચીલેટેડ Fe છાંટી શકાય.

LEAVE A REPLY

Please enter your comment!
Please enter your name here