youtube.com

તમે સાંભળ્યું હશે કે, પાણીની તંગીના કારણે અથવા તો પશુઓના ઘાસચારાની અછતના કારણે ગામ લોકોને હિજરત કરવી પડે છે. પરંતુ અમરેલીમાં ચોમાસાની ઋતુમાં ઈયળોનો ત્રાસ એટલો વધી ગયો છે કે, ગામ લોકોને ઈયળોના કારણે હિજરત કરવાનો વારો આવ્યો છે. એક રીપોર્ટ અનુસાર, અમરેલીના દલખાણીયામાં ચોમાળાની ઋતુમાં ઈયળોનો ત્રાસ સામે આવ્યો છે. ઈયળોના ત્રાસના કારણે ગામના લોકોએ એટલી હદે હાલાકીનો સામનો કરવી પડી રહ્યો છે કે, તેઓ ખાટલા પર બેસીને જમવાનું બનાવી રહ્યા છે. કારણ કે, ઈયળો ઘરની દીવાલો પર, જમીન પર તમામ જગ્યાઓ પર મોટી સંખ્યામાં જોવા મળે છે. કેટલાક લોકો તો આ ઈયળોના ત્રાસના કારણે વાડી વિસ્તારમાં હિજરત કરવા માટે મજબૂર બન્યા છે.

 

આખા ગામમાં કરોડો ઈયળોના સામ્રાજ્યના કારણે ગામમાં રહેતા ચાર હજાર જેટલા લોકોને મુશ્કેલીનો સામનો કરવાનો વારો આવ્યો છે. ચાર દિવસથી આ ઈયળોનો આતંક હોવાના કારણે કેટલાક લોકો તેમની વાડીમાં રહેવા ગયા છે. તો કેટલાક લોકો અમદાવાદ અને સુરતમાં રહેતા તેમના પરિવારજનોના ઘરે જઈ રહ્યા છે.

તો કેટલાક લોકો જંતુનાશક દવાઓ છાંટીને ઈયળોથી છુટકારો મેળવવાના પ્રયાસો કરી રહ્યા છે. ગામના લોકોએ આ ઈયળોથી છુટકારો મેળવવા માટે સ્થાનિક નેતાઓ અને આરોગ્ય વિભાગને પણ રજૂઆત કરી છે.

ઉલ્લેખનીય છે કે, આજથી સાત વર્ષ પહેલા પણ આ જ પ્રકારે અમરેલીના આ ગામમાં ઈયળોનો ત્રાસ જોવા મળ્યો હતો. ત્યારે પણ મહામુશ્કેલીથી આ ગામના લોકોને ઈયળોના ત્રાસથી છુટકારો મળ્યો હતો. ત્યારે હવે ફરીથી એક વાર ગામ લોકોને ઈયળોની સમસ્યાનો સામનો કરવો પડી રહ્યો છે.

જો તમને અમારો આર્ટિકલ પસંદ આવ્યો હોઈ તો બીજા ને પણ શેર કરો આવી જ નવી નવી પોસ્ટ મેળવવા માટે અમારા ફેસબૂક પેજને લાઈક કરો Like & Follow our Facebook Page : ખેડૂત પૂત્ર – Khedut Putra

LEAVE A REPLY

Please enter your comment!
Please enter your name here